Қожамжаров пен оның командасы: Кексель неге әлі бостандықта?

Бас прокурордың орынбасары Ғалымжан Қойгелдиев бұрынғы қаржылық полиция басшысы Қайрат Қожамжаровтың серіктеріне қатысты қылмыстық істерді түсіндірді, деп хабарлайды Orda.kz.

Ресми деректер бойынша, қазіргі уақытта құзырлы органдар Талғат Татубаев пен Олеся Кексельді тергеуге алды. Алайда, Қойгелдиевтің айтуынша, Кексель әлі де бостандықта жүр.

«Бұл істер әртүрлі. Бірақ фактілері бір-біріне ұқсас, азаптауға қатысты. Татубаев қамауға алынды. Ал Кексельдің кішкентай баласы бар, сондықтан оның мәртебесі әлі анықталып жатыр», – деді ол мәжіліс дәлізінде.

Жақында Қожамжаровқа да қатысты тергеу басталды. Оған қызметтік өкілеттігін асыра пайдаланды және қылмыстық жолмен келген кірістерді заңдастырды деген күдік келтірілуде. Ал кеше бұрынғы финпол басшысының тағы бір серіктесі Мақсат Дүйсеновтің ұсталғаны белгілі болды.