Қостанайда уақытша бейімдеу орталығының қызметкерлері қарияның аяусыз ұрып бүйрексіз қалдырды

Қостанай қаласындағы уақытша бейімдеу және детоксикация орталығында қарт адамды аяусыз ұрып-соқты, деп хабарлайды Orda.kz.

Уақытша бейімдеу орталығында болған оқиға сол жердегі бейнебақылау камерасына түсіп қалып, оны жәбірленушінің туыстары жариялады. Ұрып-соғу салдарынан оның оң жақ бүйрегі зақымданған. Дәрігерлерге оны алып тастауға тура келген. Сондай-ақ, қарт кісінің қабырғалары да сыныпты.

«Биыл шілде айында қасақана ауыр дене жарақатын салу дерегі бойынша полиция қылмыстық іс қозғады. Күдікті ұсталып, уақытша ұстау изоляторына қамалды. Қазір барлық қажетті тергеу амалдары жүргізіліп жатыр. Жақын уақытта қылмыстық іс материалдары сотқа жолданып, процессуалдық шешім қабылданады», деп мәлімдеді Қостанай қаласының полиция департаменті.