Қостанайда бала магнит жұтып, ауруханада қайтыс болды: Дәрігерлерге қатысты қылмыстық іс қозғалды

Шілде айының басында рудныйлық үш жасар бала бірден 10 магнит жұтып қойған. Ол Қостанайдағы балалар ауруханасына жеткізілді. Бірнеше күннен кейін бала қайтыс болды. Полицейлер баланың өліміне қатысты сотқа дейінгі тергеуді бастады, деп хабарлайды Orda.kz.

Баланы емдеп, ота жасаған Қостанайдағы облыстық балалар ауруханасының дәрігерлеріне қатысты қылмыстық іс қозғалды. Бұл туралы баланың отбасының қорғаушысы Дамир Хамитов Facebook парақшасында хабарлады.

Оның айтуынша, ҚР Денсаулық сақтау министрлігі Медициналық және фармацевтикалық бақылау комитеті департаментінің баланың өлімі туралы қорытындысы 2024 жылдың 13 қыркүйегінде алынған.

«Комиссия дәрігерлер тарапынан диагностика мен емдеудің клиникалық хаттамалары түріндегі медициналық қателер мен бұзушылықтарды, кең ауқымды хирургиялық емдеудің жеткіліксіздігін  анықтады. Бұл диссеминирленген тамырішілік коагуляция синдромымен сепсис пен септикалық шоктың дамуына, жедел респираторлық дистресске әкелген» деп жазды Хамитов. 

Ол қазір Қазақстан Республикасы Қылмыстық кодексінің «Медицина немесе фармацевтика қызметкерінің кәсіби міндетін тиісінше орындамауының адам өліміне соқтыруы» бабы бойынша сотқа дейінгі тергеп-тексеруді бастауға барлық негіз бар екенін айтады.

Адвокаттың айтуынша, олар қыркүйектің 20-сы күні 10 магнит жұтып қойған ұл баланың өліміне қатысты дәрігерлерге ҚР ҚК-нің 317-бабы, 3-бөлігі бойынша ҚР ҚК-нің 317-бабы 3-бөлігі бойынша қылмыстық істі ТЖК-ге тіркеп үлгерген. 

«Енді талапқа сай медициналық көмек көрсетпеген дәрігерлерге қатысты сот-медициналық сараптама және фармацевтикалық бақылау комиссиясының қорытындысы негізінде тергеу жүргізіледі» деп мәлімдеді адвокат Хамитов.