Қостанай облысында тойда 150 адам уланып қалды

Қостанай облысының Арқалық қаласында той ортасында 150-ден астам қонақ жаппай уланып қалды, деп хабарлайды Orda.kz.

Бұл туралы жергілікті тұрғын әлеуметтік желіде жазды. Тұрғынның айтуынша, оның ата-анасы да сол шараға қатысқан екен. Той Арқалықта «Жайна» мейрамханасында өтіпті.

«Кеше Арқалықта туысымыздың 60 жылдық тойы болды. 150-ден астам адам уланды, оның ішінде менің ата-анам да бар. Мейрамхана тарапынан салғырттық болғандықтан, адамдар зардап шегіп жатыр», — деп жазды ол Threads желісінде.

Қыздың айтуынша, тойға ат арқалатып келген қонақтар үйлеріне қайта алмай, бірден ауруханаға түскен.

«Қазір барлығы Торғай ауылында ауруханада жатыр тіпті оларға орын жетпейді. Адамдарды Арқалыққа немесе Қостанайға жіберіп жатыр», — деп хабарлады ол.

Orda.kz редакциясы бұл жағдайға байланысты Қостанай облысының санитариялық-эпидемиологиялық бақылау департаментіне ресми сауал жолдады.

Бұған дейін біз Екібастұзда да осындай жағдай болғанын жазғанбыз  — жергілікті дәмханада өткен тойдан кейін 32 адам уланған. Олардың кейбірі жедел ішек инфекциясы белгілерімен ауруханаға жеткізілген.