Қостанай облысында бір үйдің 4 адамы улы газдан ажал құшты

Қостанай облысында 3 бала мен 67 жастағы ер адам көз жұмды, деп хабарлайды Orda.kz. 

Қайғылы оқиға кеше, 17 қараша күні, сағат 13:00-де Амангелді ауданы Тасты ауылдық округіне қарасты Қарынсалды ауылында болды. Көмірқышқыл газынан улану салдарынан бір отбасының 2021, 2022 және 2016 жылы туған балалары мен 1957 жылы туған атасы қайтыс болды. 

Отбасының әкесі, анасы және 2020 жылы туған баласы Арқалық қаласындағы ауруханаға жеткізілді. 

Мәліметтерге сүйенсек, бұл отбасы аз қамтылған, әлеуметтік жағынан осал топқа жатады.

Кеше ғана Orda.kz  қалалық төтенше жағдайлар департаменті баспасөз қызметіне сілтеме жасап, Астанада жеке үйдегі өрттен төрт бала қаза тапқаны туралы хабарлаған болатын.