Көшпенділер ойындары Қазақстан экономикасына қомақты қаражат әкелді

Өткен екі аптада Қазақстанға жарты миллионнан астам шетелдік турист келгені белгілі болды, деп хабарлайды Orda.kz. 

Туризм және спорт министрлігінің мәліметінше, 1-13 қыркүйек аралығында елге 597 мың шетелдік турист келген. Олардың 68 мыңы Астана мен Алматы әуежайлары арқылы келсе, 529 мыңы жерүсті көлігімен келген. Ең көп турист Қытайдан (33 мыңнан астам), Үндістаннан (6 мыңнан астам) және Германиядан (4 мыңнан астам) келген. Шетелдік қонақтардың жалпы шығындары 15,5 миллион доллар (7,5 миллиард теңге) болды. Алыс шетелдерден келген туристердің орташа шығындары 1500 доллар болған.