Көшелердегі валюта бағамы жазылған таблолар жойылады

Ұлттық банк түсіндіргендей, жол бойындағы, жаяу жүргіншілер өткелдеріндегі, ғимараттардың қасбеттеріндегі, жол белгілерінің үстінде және қоғамдық орындарда орналасқан айырбастау пункттерінің ақпараттық жазбалары жүргізушілер мен жаяу жүргіншілерге кедергі келтіреді, деп хабарлайды Orda.kz.

Қазақстанда қолма-қол шетел валютасын айырбастау операцияларын жүзеге асыру ережелерін өзгерту туралы шешім қабылданды. Ұлттық банктің мәліметінше, кейде көшеде валюта бағамдары бар ақпаратты тақтайшалар көлік құралдарының қозғалыс қауіпсіздігі талаптарына кедергі келтіріп қана қоймай, оны бұзады.

Қазір «Ашық НҚА» порталында талқыланып жатқан заң жобасы ақпараттық жазбалар айырбастау пунктінің ішіне немесе тікелей операциялық кассаға көшіруді көздейді.

 Айырбастау пункті көпфункционалды ғимараттар мен құрылыстардың (оның ішінде іскерлік орталықтарда), теміржол вокзалдарының, казинолардың ғимараттарында, халықаралық әуежайлардың аэровокзалдарының ішінде, сондай-ақ ҚР шекарасы арқылы автомобиль, теңіз және өзен өткізу пункттері аумағында орналасқаны жөн.  

Жаңалықты енгізудің күтілетін мерзімі - 2025 жылғы тамыз.