Қошанов ресейлік депутаттардың Қазақстанға қатысты мәлімдемелері туралы айтты

Мәжіліс депутаты Ерлан Қошанов Ресейге барған сапарында өзекті мәселені көтергені туралы айтты, деп хабарлайды Orda.kz порталы.

Мәжілістің жалпы отырысында спикер болған Қошановқа «2024 жылғы 3-4 наурыз аралығында Ресейге ресми сапармен бардыңыз. Онда РФ Мемлекеттік думаның төрағасы Вячеслав Володинге ресейлік депутаттардың Қазақстан туралы жағымсыз пікірлерін, еліміздің территориялық тұтастығына қатысты айтылған мәселелерді көтердіңіз бе?» деген сұрақ қойылды.

«Бұл туралы сөйлестік. Бірлесіп, мұның жолын кесеміз. Бұл мәселе туралы Ресей  Федерация кеңесінің төрағасы Валентина Матвиенкомен сөйлестік. Біз бірлесіп, осы мәселемен жұмыс істейміз деп келістік», - деді спикер.