Киіз үйде бейәдеп би билеген биік өкшелі еркек пен 2 қыз сынға қалды

Алишер есімді бишінің киіз үйде «бейәдеп» би хай хилсті (high heels) қоюы әлеуметтік желі қолданушыларының наразылығын туғызды. 

Бұл туралы Orda.kz хабарлады.

Осы бейне жазбамды жариялаған соң, жұрт көп хейт пікірлер жаза бастады. Өзім қазақ болған соң, Қазақстанда, Алматыда тұрған соң, әке-шешем қазақ болған соң, бұл қадамның өте батыл шешім екенін айта аламын. Бұл «ұлттық құндылықтарды қорлау» деп санамаймын. Бұның өзінде ирония бар. Шығармашылық адамдарын жай адамдар ұға бермейді. Олардың әлемі басқа. Тәуекелге бармай, батыл болмай, жаңалық ашылмайды», –деді thenewcrush_kz1 атты Tik Tok  парақшасында Алишер.

«Ұлттық құндылықтарымызды қорлағаны үшін заңмен жазаға тартылсын!», «Ұят ештеңе көріп тұрған жоқпын. Билей берсін. Сондай жанр бар ғой. Өзінің өмірі. Сасып комментте бірақ қырылады қазір адамдар.  Соттау керек, анау-мынау деп. Күлкілі», «Көрсететін жерлерін көрсетіп, ақ орамал тағып алғандары қалай кетті?», «Осыларды ұстап алып, айдалаға апарып, күн қайнап тұрғанда осылай билетіп қою керек» деген сынды көптеген әлеуметтік желі қолданушылары осы жағдайды талқылап жатыр.