Кеңсе пышағымен адам бауыздамақшы болды: сот үкім шығарды

Жетісу облысының қылмыстық соты Ілияс Серкебұлановқа сүйіктісінің тамағын кескені үшін үкім шығарды. Ол кісі өлтіруге оқталу және бұзақылық үшін он жылға бас бостандығынан айырылды, деп хабарлайды Orda.kz порталы.

Жәбірленушілердің моральдық шығын мен материалдық залал өндіру туралы азаматтық талаптары (5 млн. теңгеден астам) қанағаттандырылды.

Қылмыс 27 қазанда болған. 28 жастағы Адина Хуанбекқызына күндіз шабуыл жасалған. Бұл сәт сауда үйінің бақылау камерасына түсіп қалған. Кадрларда ер адамның қызды қалай жұдырықпен құлатып, сосын үстіне шығып, буындырғаны анық көрінеді. Содан кейін ол үстелден кеңсе пышағын алып, қыздың мойнын кескілей бастайды.