«ҚазМұнайГаз» акциялары тарихи шыңына жетті

«ҚазМұнайГаз» ҰК» АҚ акциялары жаңа тарихи шыңына жетті – бір акцияның бағасы 11 200 теңге, деп хабарлайды «Самұрық-Қазына» қорының баспасөз қызметі.

IPO басталғалы ҚМГ акциялары 33,2%-ға өсті. Егер дивидендтерді қоссақ (бір акция 492 теңге), инвестициядан болатын  жалпы өсім 39% болды.

Акциялардың бұлай өсуі Brent маркалы мұнай бағасының барреліне 88 долларға дейін көтерілуімен байланысты. 

Бұл өсім Сауд Арабиясының мұнай экспортына шектеулерді ұзарту және ресейлік мұнай экспортын тәулігіне 300 000 баррельге қосымша азайту туралы шешіміне байланысты болды, деп хабарлайды Energy Monitor сарапшылары.