Қазақстанның Starlink желісіне қосылу жайында - Цифрлық даму министрлігі

Неліктен Starlink-ке қосылу қазақстандықтар үшін қауіпсіз емес, деді Цифрлық даму министрлігі Ordaz.kz сайтының сауалына берген жауабында.

Басқарма Қазақстандағы барлық байланыс түрлеріне ақпараттық қауіпсіздіктің белгілі бір талаптары бар екенін түсіндірді:

«Олар мемлекеттің ақпараттық жүйелерін қорғауға және арнайы және құқық қорғау органдарының жедел-іздестіру іс-шараларын жүргізуі үшін жағдай жасауға бағытталған».

Министрлік ақпараттық қауіпсіздік тәуекелдерін елемеу жеке деректердің жоғалуына және DDoS шабуылдарына әкелуі мүмкін деп түсіндірді. Дегенмен, Starlink Қазақстан аумағында заңды түрде жұмыс істей бастағаннан олар бар қайшылықтарды шешуге уәде берді.

«Пилоттық жоба және Starlink-пен келіссөздер үдерісі аясында ақпараттық қауіпсіздік саласындағы талаптарды қамтамасыз ету үшін барлық қажетті мәселелер шешілетін болады» деп хабарлады мекеме. 

Естеріңізге сала кетейік, бұған дейін Цифрлық даму министрлігі елдегі жекелеген мектептердің Starlink желісіне пилоттық қосылуы туралы хабарлаған болатын.