Қазақстанның 1,1 триллион теңгелік борыштық бағалы қағаздарын шетелдіктер сатып алды

Шетелдіктер Қазақстанның 1,1 трлн теңгеге борыштық бағалы қағаздарын сатып алды, деп хабарлайды Orda.kz.

«Соңғы жылы Қазақстанның мемлекеттік бағалы қағаздарына салынған шетелдік инвестициялардың көлемі екі еседен астам өсіп, 1,1 триллион теңгеге жетті», - деді International Conference KASE: Joining Tabadul Digital Hub халықаралық конференциясында сөз сөйлеген кезінде  Қазақстан Ұлттық банкінің төрағасы Тимур Сүлейменов. 

Сонымен қатар ол «2022 жылдың сәуірінде Қазақстанның мемлекеттік облигациялары FTSE Frontier Emerging Markets мемлекеттік облигациялар индексіне ресми түрде енгізіліп, бұл Қазақстанның әлемдік қаржы нарығындағы позициясын нығайтқанын» атап өтті.