Қазақстандық алғашқы әйел ғарышқа ұшты

Данна Қарақұсова Blue Origin NS-36 миссиясы аясында New Shepard кемесімен суборбиталық ұшуды орындап, Қазақстаннан ғарышқа ұшқан алғашқы әйел атанды, деп хабарлайды Orda.kz.

Компания «астронавтар ауылында» дайындық кадрлары мен зымыранның ұшу сәтін көрсетті. New Shepard NS-36 зымыранының ұшуы Астана уақытымен сағат 18:41-де Техас штатындағы Launch Site One алаңында болды.  Ғарышқа ұшпас бұрын команда соңғы рұқсат пен жаттығулардан өтті. Барлық ұшақ мүшелері New Shepard капсуласына отырмас бұрын салтанатты қоңырау соқты. Бұл Blue Origin-дің символдық рәсімі, теңіз және авиация дәстүрлеріне сияқты миссияның соңғы кезеңінің басталғанын, уақытша қоштасу мен тікелей ұшуға шығу сәтін білдіреді.

Ұшуға дейін Blue Origin NS-36 экипаж эмблемасымен таныстырды, оның әрбір элементі экипаж мүшелерінің жеке тарихын және ұшу аймағын бейнелейді.

• Қазақстан таулары — Данна Қарақұсова үшін жеке символ және үлкен іске қатыстылығын еске салу.
• Ай мен Жер — коммерциялық ұшулардың болашағына көзқарас.
• Экипаж капсуласы, Карман сызығын кесіп өтетін New Shepard траекториясы.
• Жұлдызды аспан — Украина, Виталий Островскийдің туған елінің символы.
• Көкірекке салынған якорь — Аарон Ньюманның ғылым мен мұхиттарды қорғауға деген құштарлығы.
• «Меркурий» капсуласы — алғашқы америкалық астронавт Алан Шепардқа құрмет және ғарышқа қатысты арман.

Сондай-ақ, миссияның құпия қатысушысы да белгілі болды. Оның аты — Уильям Льюис, ол биотехнология саласындағы инновациялармен айналысады. Ал Қарақұсова «астронавтар ауылынан» сезімімен бөлісті.

«Мұнда әр минут — баға жетпес уақыт. Мен бәрін толық бөлісе алмаймын, дәл қазір маған есте сақтау, сезіну, сөйлеу, көзге қарап шынайы болу маңыздырақ әрі бар назарым дәл осы сәтте. Осы сәтті бар жан-тәніммен сезініп, есте мәңгіге сақтағым келеді. Экипаж мүшелерімен біз жай ғана кеңістікті емес, жолды бөлісеміз. Мұнда кездейсоқ адам жоқ. Әрқайсымыз өз қиындықтарымызбен, күмәндәр мен сынақтардан өтіп сарқылмас сенімнің арқасында келдік. Мүмкін, дәл осы себептер біздің ғарышқа деген қадамымызды терең әрі шынайы сездіріп жатыр», – деді Қарақұсова.

Қатысушылар ұшу кезінде үш есе күш әсерін сезінгені трансляция кезіндегі қорқынышқа толы айқайларынан білінеді. Бұл таңқаларлық емес, себебі зымыран 100 шақырым биіктікке көтерілді, содан кейін экипаж шамамен 10 минут салмақсыздықта болды, ал қайтып оралу және қону қысқа уақытқа шамамен бес есе күш әсерін сезіндіреді.  Бұл дайындалған адамдар үшін толықтай көтерілетін деңгей болып саналады.

Зымыранның ұшырылуы мен капсуланың қонған толық видеосын мына жерден көруге болады.

Ал Данна Қарақұсованың кімнің еліміздегі қай депутаттың қызы екенін әрі немен айналысатынын мына материалдан оқи аласызда.