Қазақстанда заңсыз ойын бизнесін ұйымдастырған АҚШ пен Украина азаматтарына іздеу салынды

ҚМА Қазақстанда заңсыз ойын бизнесін ұйымдастырған  АҚШ пен Украина азаматтарына іздеу салды, деп хабарлайды Orda.kz. 

Сот санкциясымен Дмитры Дружинскы мен Марина Левковичке сырттай «қамауда ұстау» түріндегі бұлтартпау шарасы қолданылды.

ҚМА мәліметінше, олар Қазақстан Республикасы аумағында заңсыз ойын бизнесін ұйымдастырды деген күдікке ілінген. «PIN-UP» және «PINCO» брендтерімен жұмыс істеген онлайн-казино қызметін шетелден әрекет еткен адамдар тобы басқарғаны анықталды.

Д.Дружинскы мен М.Левкович координаторлық функцияларды атқарып, сыбайластарды іріктеумен айналысқан. Олар төлем ұйымдары мен екінші деңгейлі банк өкілдерімен өзара байланысып, ақша қабылдау мен шығару процесін қамтамасыз еткен. 

Онлайн-казино клиенттерінен түскен қаражат транзиттік шоттарда жинақталған. Кейін электрондық ақшаны лицензиясы бар компаниялар арқылы криптовалютаға айырбастаған.

Айта кетейік, Ақмола облысында жол апатынан көпбалалы жүкті әйел көз жұмды.