Қазақстанда тарих ойдан шығарылады — Тина Канделаки

Тина Канделаки Қазақстан мен Ұлыбритания арасындағы әскери ынтымақтастықа қатысты пікір білдірді, деп хабарлайды Orda.kz.

6 маусым күні Қазақстан мен Ұлыбритания арасындағы 2025-2026 жылдарға арналған әскери ынтымақтастық жоспары бекітілді.

Екі ел арасындағы келісімге қатысты Тина Канделаки Telegram-арнасында пікірін жариялады. Оның пікірінше, Ресейдің басты қарсыластарының бірі саналатын елмен әскери ынтымақтастық жасалған келісімді Қазақстанның қорғаныс министрілігі барынша жасырғысы келген.

«Жаңалықты ешкім байқамасын десең, оны жұма күні кешке жарияла. Біріншіден, бәрінің ойы демалыста, екіншіден — дүйсенбіге дейін ұмытылып кетуі мүмкін, әсіресе демалыс күндері қызықты бірдеңе болып жатса» деп жазды Канделаки.

Сондай-ақ, ол келісімді жұрттың назарынан тасалау мақсатында жексенбі күні күндіз президент қорғаныс министрін қызметінен босату туралы жарлыққа қол қойғанын айтты.

«Айта кетейік, Қазақстан — ҰҚШҰ-ның мүшесі. Ал бұл әскери ұйым 2021 жылдың қаңтарында Тоқаев мырзаны және оның айналасындағы адамдарды әскери төңкерістен аман алып қалған еді. Венгрия немесе Словакия Еуроодақ саясатына қаншалықты наразы болса да Ресеймен әскери келісім жасаспайтыны түсінікті. Ал Ресеймен достығын жиі айтып жүрген Қазақстан Ұлыбританиямен ынтымақтастық орнатып отыр» деп жазды Канделаки.

Еске сала кетейік, тележүргізуші Тина Канделаки өзінің Telegram-арнасында «орыс тілінің ығыстырылуы» туралы жазба жариялаған болатын. Ол Қазақстан билігінің бірнеше теміржол бекеттерінің атауын өзгерткені туралы шешіміне қарсы шықты. 

 QazNews24 атты сатира парақшасының авторы Темірлан Еңсебекке сот үкім шығарды. Сот оны 5 жылға бостандығынан шектеу туралы шешім қабылдады.