Қазақстанда тағы бір референдум өтеді

Қазақстанда тағы бір референдум өтеді. Ол елдегі атом энергетикасын дамытуға арналмақ.

Бұл туралы президенті Қасым-Жомарт Тоқаев парламентте айтты.

«Атом энергетикасын дамыту ерекше маңызды экономикалық және саяси мәселеге айналды. Біздің елімізде атом электр станциясын салудың орындылығы туралы әртүрлі пікірлер бар екенін білесіздер. Бір жағынан Қазақстан әлемдегі ең ірі уран өндіруші ретінде. Кейбір сарапшылар шағын реакторлары бар стансалар салуды жақтайды. Екінші жағынан, көптеген азаматтар мен бірқатар сарапшылар атом электр станцияларының қауіпсіздігіне алаңдайды»,- деді Тоқаев.

Президент Семей ядролық полигонының қайғылы мұрасына да тоқталды. Сондықтан оның пікірінше, бұл мәселе бойынша қоғамдық тыңдаулар мен талқылауларды жалғастыру қажет.

«Атом электр станциясын салу немесе салудан бас тарту - еліміздің болашағына қатысты аса маңызды мәселе. Сондықтан мен оны жалпыхалықтық референдумға шығаруды ұсынамын. Нақты күндерді кейінірек шешеміз»,- деді президент.