Қазақстанда шокқа қарсы пневматикалық емес киімдер қолданыла бастады

Мұндай киім босанғаннан кейінгі қан кету кезінде әйелдердің жағдайын тұрақтандыруға көмектеседі, деп хабарлайды Orda.kz.

Жалпы, «Аяла» қайырымдылық қоры еліміздің барлық өңірлеріндегі 240 перзентхана емдеу мекемесі мен 90 жедел жәрдем бригадасына 350 дана осындай киім сыйламақшы.

Шокқа қарсы киім ДДССҰ, ЮНИСЕФ және Біріккен Ұлттар Ұйымының Халық Қоры (ЮНФПА) репродуктивті, ана, жаңа туған және бала денсаулығына маңызды шараларға арналған медициналық өнімдердің ведомствоаралық тізіміне енгізілген. Бұл киім жатырға қан ағымын азайтады, гиповолемиялық шокты емдейді және қан кетіп жатқан әйелді 48 сағатқа дейін жанын сақтап қала алады.  

Озық ғылыми зерттеулер негізінде жасалған бұл инновациялық технология асқынулардың алдын алуға көмектеседі және дүние жүзіндегі көптеген пациенттердің өміріне себеп болады.