Қазақстанда полиция жаппай «Насыбайды жою» іс-шарасын бастады

Тоқаевтың сөзінен кейін полиция жаппай Насыбайға қарсы іс-шараны жүзеге асыра бастады, деп хабарлайды Orda.kz порталы.

«Біздің азаматтарымыз аузына насыбай салып, қақырып, түкіріп жүреді. Бұл не деген масқара. Осы жағымсыз қылықты ата дәстүрі санайды. Шын мәнінде бұл барып тұрған мәдениетсіздік. Оны тоқтату керек. Жалпы насыбай өндіріп, таратқаны үшін заң жүзінде белгіленген жауапкершілік тым төмен», - деді Тоқаев. 

Еске салайық, шегілмейтін темекі өнімдерін заңсыз сатқаны үшін 25 АЕК немесе 92 мың теңгеден астам мөлшерде айыппұл көзделген. Бұл туралы «Халық денсаулығы және денсаулық сақтау жүйесі туралы» кодексінде жазылған.