Қазақстанда бірыңғай уақыт белдеуіне қарсы петиция жарияланды

Қазақстанда бірыңғай уақыт белдеуіне қарсы петиция жарияланды, деп хабарлайды Orda.kz порталы.

Сауда және интеграция министрі Арман Шаққалиев бірыңғай уақыт белдеуіне қарсы петицияға қатысты пікір білдірді. 

«Осыған дейін орынбасарым петицияны жұмысқа алу үшін тиісті дауыс жиналу керегін айтқан болатын. Өздеріңізге белгілі, 50 мың дауыс керек. Тиісті алгоритм бар, екі ай бойы осы мәселе қаралып жатыр. Сондықтан да осы петиция қажетті дауыс жиналғанын күтейік. Одан кейін мәселені бекітілген тәртіп бойынша қарастыратын боламыз», — деді Арман Шаққалиев. 

Еске салайық, 1 наурыз күні Қазақстан бірыңғай уақыт белдеуіне көшті. Осылайша, ел аумағында 5-ші уақыт белдеуі (UTC+5) қолданылады.