Қазақстанда алтын құны жоғары рекорд орнатты

Қазақстанда алтынның құны тағы да қымбаттады, деп хабарлайды Orda.kz порталы.

Бір грамм алтынның айырбас құны рекордтық деңгейге жетіп, 34 мың теңгеге жақындады. Ұлттық банктің мәліметінше, 10 сәуірде елімізде бір грамм алтынның бағасы 33 911,46 теңге болды. Бір күн бұрын бұл көрсеткіш 405,86 теңгеге төмен болған.

2024 жылдың басынан бері Қазақстанда бір грамм алтынның бағасы 3 587,95 теңгеге немесе 11,8%-ға өсті. 2023 жылдың аяғында алтын бағасы грамына 30 мың теңге болған. Бірақ 2024 жылдың наурыз айының басынан бастап баға түсуі тоқтады.