Қазақстан жаңа инвесторлық виза енгізеді

Қазақстан 10 жылға дейін тұруға ықтиярхат алу мүмкіндігімен жаңа инвесторлық виза енгізеді, деп хабарлайды Сыртқы істер министрлігінің баспасөз қызметіне сілтеме жасап Orda.kz.

«ҚР Сыртқы істер министрлігінің бастамасымен елдің инвестициялық тартымдылығын нығайтуға және ұзақ мерзімді іскерлік әріптестікті қолдауға бағытталған инвесторлық виза алудың жаңа ережелері бекітілді» деп жазылған хабарламада. 

Жаңа шарттарға сәйкес, қазақстандық компаниялардың жарғылық капиталына немесе жергілікті эмиссиялық бағалы қағаздарға $300 мыңнан кем емес инвестиция салған шетелдік азаматтар инвесторлық визаны ресімдеуге электрондық өтініш бере алады.

Аталған «алтын виза» ҚР-да 10 жылға дейін тұруға рұқсат алу мүмкіндігін қарастырады.