Қазақстан «Ұлы Қытай брандмауэрін» сатып алды дегенді жоққа шығарды

Қазақстан билігі интернет цензурасына арналған «Ұлы Қытай брандмауэрін» сатып алынғаны туралы ақпаратты жоққа шығарды,  деп хабарлайды Orda.kz. 

Жасанды интеллект министрлігі қытайлық Geely Networks компаниясымен ынтымақтастық туралы ақпараттың шындыққа жанаспайтынын мәлімдеді. Ведомство Orda.kz сайтының сауалына ресми жауап беріп, бұл тақырып бойынша жалған ақпарат тарап жатқанын хабарлады.

2018 жылы құрылған Geedge компаниясы желінің киберқауіпсіздігі мен мониторингін қамтамасыз етеді. Алайда іс жүзінде оның кейбір құралдары Ұлы Қытай брандмауэрінің үлгісіндегі интернет-цензураға қолданылады.

Компанияның негізгі өнімі — TSG желілік шлюзі. Ол ондаған миллион қосымшаларды өңдей алады, VPN пайдаланушыларын анықтайды, сайттарды бұғаттауға және пайдаланушылардың деректерін жинауға мүмкіндік береді.

Жүйе «күдікті» азаматтардың іс-әрекеттерін бақылай алады. Сондай-ақ сайттардың мазмұнын, электрондық пошталарды және тіпті құпиясөздерді табуға қабілетті.

Айта кетейік, бұған дейін 16 миллион қазақстандықтың құпия деректері тарап кетті.