Қазақстан Статимен бітімге келді – БАҚ

Қазақстан молдовалық бизнесмендер Анатол және Габриэль Статимен көптен бері келе жатқан дауды шешті.

Бұл туралы ҚазТАГ хабарлады.

Агенттіктің хабарлауынша, ұзақ келіссөздерден кейін тараптар Қазақстанның бюджет қаражатын пайдаланбай келісімге келген.

Еске салайық, бұл дау 2010 жылы Стати Қазақстанды рейдерлік жолмен олардың мүлкін тартып алды деп айыптап, сотқа шағымданған кезде басталды. Қазақстан бұл айыптарды жоққа шығарды. 2017 жылдың желтоқсан айында Bank of New York Mellon кастодиан-банкі Қазақстан Ұлттық қорының 22 миллиард доллар көлеміндегі активтерін бұғаттады.

Әділет министрлігінің мәліметінше, 2020 жылдың сәуіріне қарай тәркіленген мүліктің сомасы 530 миллион долларға дейін қысқарды.