Қазақстан ЮНЕСКО-ның Бүкіләлемдік мұра комитетіне енді

ЮНЕСКО Бас конференциясының қорытынды күнінде Қазақстан 2023-2027 жылдарға арналған Дүниежүзілік мұра комитетіне сайланды. Бұл туралы Қазақстан Республикасының Мемлекеттік кеңесшісі Ерлан Қарин хабарлады.

Мемлекеттік кеңесші 21 мемлекеттен тұратын Дүниежүзілік мұра комитеті ЮНЕСКО-ның ең маңызды және ықпалды басқару органдарының бірі болып табылатынын және нысандарды Дүниежүзілік мұра тізіміне енгізу және одан шығарудың айрықша құқығы бар екенін атап өтті.

«Еліміздің кандидатурасына 118 мемлекет дауыс берді. Біздің еліміздің Дүниежүзілік мұра комитетіне сайлануы Қазақстанның бірегей мәдени және табиғи мұрасын сақтау жөніндегі белсенді жұмыстың халықаралық деңгейде мойындалуының дәлелі.
Сондай-ақ бұған дейін Алматыдағы ЮНЕСКО кеңсесінің мәртебесін Орталық Азия, Ауғанстан, Пәкістан, Иран мемлекеттерінен басқа, көпсалалы аймақтық кеңсеге дейін көтеру туралы шешім қабылданған болатын»  деп жазды Ерлан Қарин