Қазақстан аймағында тек әйелдер жүретін вагондар саны 11 ге жетті

Астана-Семей, Ақтөбе-Алматы, Алматы-Шымкент бағыттарында әйелдер вагондары пайда болды.

Бұл туралы Қазақстан темір жолы хабарлады.

Бұрын мұндай көліктер сегіз бағытта болса, қазір олардың саны 11-ге дейін өсті. 

Әйел вагондары бар пойыздар келесі бағыттар бойынша жүреді:

•  № 354/353 «Астана-Семей»,
•  № 24/23 «Ақтөбе-Алматы»,
•  № 25/26 «Алматы-Шымкент»,
•  № 77/78 «Алматы-Маңғыстау»,
•  № 351/352 «Алматы-Өскемен»,
•  № 45/46 «Павлодар-Түркістан»,
•  № 37/38 «Маңғыстау-Семей»,
•  № 47/48 «Атырау-Астана»,
•  № 33/34 «Ақтөбе-Алматы-1»,
•  № 4/3 «Астана-Алматы-2»,
•  № 71/72 «Астана-Шымкент».

Әйелдерге арналған вагондар 2021 жылы саяхаттау кезінде әйелдердің жайлылығы мен қауіпсіздігін жақсарту үшін енгізілді. Билет құны әдеттегіден өзгертілмейді, бұл қызмет бәріне қолжетімді.

«Әйелдерге арналған вагон билеттері тек әйелдерге сатылады, олармен бірге жеті жасқа толмаған ұл балалар да жүре алады. Мұндай вагондарда тек әйелдер кондуктор болып жұмыс істейді», - дейді ҚТЖ.

Қызмет іске қосылғалы бері 342 мыңға жуық әйел осы вагондарға билет сатып алған, бұл олардың танымалдылығы мен сұранысын растайды.