Қауіпті хайп: Астанада колледж студенті зорлық-зомбылық бейнесін таратты

Әлеуметтік желілерде И.Жұмабаев атындағы колледждің 16 жасар студенті қатыгездік көріністері бар, соның ішінде құрдастарының саусақтарын сындыруға әрекеттенген бейнежазба таратты. Бұл кадрлар кең қоғамдық резонанс тудырды, деп хабарлайды Orda.kz.

Астана полициясының хабарлауынша, әлеуметтік желілерге жүргізілген мониторинг барысында зорлық-зомбылық бейнесі таралғаны анықталды. Алайда, оқиға көрші мемлекетте болғаны белгілі болды. 17 жасар колледж студенті тек интернеттен аталған бейнежазбаны жүктеп алған болып шықты.

«Жасөспірім жағдайды анықтау үшін полиция бөліміне жеткізілді. Жауапкершілікке тартылып, оның заңды өкілі шақырылды», деп хабарлады Астана қаласының ПД. 

Астана полициясының ескертуінше, тіпті хайп жасау үшін де зорлық-зомбылық материалдарын тарату әрекеттері заңнама аясында қатаң қадағаланады.