Қаскелеңде тұрғын үй кешенін салу үшін өзен арнасы заңсыз өзгертілген

Қаскелеңде құрылыс салушы өзен арнасын заңсыз өзгертіп, «Orda Town» тұрғын үй кешені құрылысын бастаған. Қазір сот ғимаратты бұзу туралы арызды қарап жатыр, деп хабарлайды Orda.kz.

Сондай-ақ Алматы облысының прокуратурасы өңірдегі көпқабатты тұрғын үй кешендері мен сауда нысандарын салу кезінде тағы қандай заң бұзушылықтар анықталғанын айтты.

Сондай-ақ, құрылыс басталмай тұрып осындай 19 нысанның рұқсаты қайтарылып алынған. Мұндай  Қонаевта 11, Қарасай ауданында бес, Талғар ауданында үш жоба болған. Сонымен қатар, тұрғын үй кешендерінің заңсыз құрылысын бастау фактілері бойынша (Қонаев қаласында бес нысан және Қарасай ауданында бір нысан) құрылыс салушылар әкімшілік жауапкершілікке тартылды.

Ал Талғар ауданында құрылысқа рұқсат құжаттары жоқ 21 коммерциялық нысан анықталды.

Алматы-Қорғас тас жолының бойындағы Бесағаш ауылында жеке тұлға сауда үйі құрылысын бастаған. Прокуратураның мәліметінше, жұмыс тиісті жобалық құжаттарсыз, сондай-ақ құрылысты бақылау органының рұқсатынсыз қолға алған.

Сонымен қатар, прокуратураның актісімен үш жер телімінің нысаналы мақсатын заңсыз өзгертуге сәйкес келтіру және тұрғын үй кешендерін салу үшін заңсыз берілген 48 жер телімін қайтару жұмыстары жүргізілуде.

Экологиялық актісі жоқ құрылыстар үшін облыстың үш ауданынан және Қонаевтан 26 құрылыс салушы әкімшілік жауапкершілікке тартылды. Тәртіп бұзушылар 9 миллион теңгеден астам айыппұл төлеген.

Сонымен қатар, облыстағы құрылыс салушылар уәкілетті органның тиісті рұқсатынсыз үлескерлердің қаражатын тартуды жалғастырғаны белгілі болды.