Қаржы мониторингі агенттігі төрағасының орынбасары Әлия Назарбаеваның ісі бойынша мәлімдеме жасады

Қазақстанның қаржы мониторингі агенттігі төрағасының орынбасары Жеңіс Елемесов экс-президент Нұрсұлтан Назарбаевтың кіші қызы Әлия Назарбаеваға қатысты қылмыстық іс өз ведомствосында жоқтығын мәлімдеді, деп хабарлайды Orda.kz порталы.

«Аталған тұлғаларға қатысты қылмыстық істер қазіргі уақытта біздің ведомствода жоқ», – деп жауап берді Жеңіс Елемесов мәжіліс дәлізінде.

Журналистер бұл сұрақты таяуда Астанадағы Ұлттық баспасөз клубында баспасөз мәслихатын өткізген бизнесмен Нұрлан Бимурзин мен қоғамдық өкіл Жарқын Күрентаевтың мәлімдемесіне байланысты қойған еді. Бизнесмен сол кезде 20 жыл бұрын активін экс-президент Нұрсұлтан Назарбаевтың қызы Әлия Назарбаева тартып алғанын айтып, Бас прокуратураға арыз түсіргенін хабарлаған болатын.