Қаржаубай Нұрымовты қаралаған «доктор» айтқан сөздері үшін кешірім сұрауға міндеттелді

cover Фото: Бейнеден кадр

Шерзат Полаттың отбасына тіл тигізіп, Қаржаубай Нұрымовты қаралаған Бауыржан Әбдірахмановқа тағы бір сот шешімі шықты. Енді ол әлеуметтік желіде жария түрде Қаржаубайдан кешірім сұрайды, деп хабарлайды Orda.kz. 

Марқұм Шерзаттың жақындарына алты ай бойы психологиялық қысым көрсеткен Бауыржан Әбдірахманов сәуір айында 20 тәулікке әкімшілік қамауға алынды. Адвокат Мейірман Шекеев әлеуметтік желідегі парақшасында Бауыржан Әбдірахмановқа тағы бір сот шешімі шыққанын хабарлады.

«Шерзаттың отбасын тоқтаусыз қаралаған «доктор» жариялы түрде Қаржаубайдан кешірім сұрауға міндеттелді» деп жазды ол. 

Сонымен қатар, сот шешімімен Бауыржан Әбдірахманов 400 мың теңге моральдық шығын және 500 мың теңге өкілдік қызметті төлеуі керек. 

Айта кетейік, Бауыржан Әбдірахманов TikTok желісінде «Маскарад» және «Доктор» бүркеншік аттарымен Қаржаубай Нұрымовтың өзіне, отбасына жалған жала жапқан еді. 

Жаңалықтар

барлық жаңалықтар