Қаражатын инвестициялауға үгіттеген: Желі арқылы жұртты алдаған алаяқ Ресейден экстрадицияланды

Қазақстанда бірнеше рет алаяқтық жасап, ізін суытқан Қазақстан азаматы Ресей Федерациясынан экстрадицияланды, деп хабарлайды Orda.kz. 

Бас прокуратура мәліметінше, ол 2023–2024 жылдары ұйымдасқан қылмыстық топ құрамында ақпараттық жүйе пайдаланушыларын алдап, олардың сенімін теріс пайдалану арқылы ірі мөлшерде алаяқтық жасауға көмектескен.

Күдікті мен оның сыбайластары Instagram әлеуметтік желісі арқылы азаматтардың сеніміне кіріп, салынған инвестиция сомасынан бірнеше есе көп табыс алуға уәде берген. Өз компаниялары арқылы ақша қаражатын инвестициялауға үгіттеген. Жәбірленушілерден түскен қаражатты қылмыстық топ өз қажеттіліктеріне жұмсаған.

Қылмыс жасалғаннан кейін 4 сыбайлас сотталды. Ал біреуі бой тасалап үлгерген.

Былтыр наурызда ол Ресей аумағында ұсталды. Қазіргі уақытта күдікті тергеу изоляторына қамалды.

Оқи отырыңыз:

• Балаларға қатысты зорлық-зомбылық: Тергеу жүйесіндегі негізгі мәселелер қандай?
• Қазақ салтындағы бала асырап алу дәстүрі