Қарағанды облысында сұрыптау желісі бар жаңа полигон салынып жатыр

 Қарағанды облысының Абай қаласында сұрыптау желісі бар тұрмыстық қатты қалдықтарға арналған жаңа полигон салынып жатыр, деп хабарлайды Orda.kz облыс әкімінің баспасөз қызметіне сілтей отырып.    

«Қарағанды облысының Абай қаласында сұрыптау желісі бар тұрмыстық қатты қалдықтарға арналған жаңа полигон салынуда»,  деп хабарлады облыс әкімдігі.

Құрылыс қоршаған ортаны қорғау жөніндегі іс-шаралар жоспары шеңберінде облыстық бюджет қаражаты есебінен жүргізілуде. Полигон қаладан 3 шақарым қашықтықта орналасқан. Оның ауданы 10 гектар, пайдалану мерзімі - 25 жыл. Мұнда жылына 15 мың тоннаға дейін қалдықтарды сұрыптау жоспарланып отыр.

Әкімдіктің мәліметінше, нысан қазақстандық өндірістің заманауи қоқыс сұрыптау желісімен жабдықталады, бұл одан әрі өңдеу үшін қайталама шикізатты іріктеуге мүмкіндік береді. Алдағы бес жылда полигон «Ресайклинг Сервис» ЖШС сенімгерлік басқаруына берілді.

11 ақпан күні  таңертең Green Recycle қоқыс өңдеу кәсіпорны аумағында  қоқыс сұрыптау кезінде әйелдің бөлшектелген денесі табылды. 

Наурыз айында Қазақстан астанасында  қоқыс жинау мәселесі қозғалды.