Қаңтар оқиғасы кезінде ұрланған қарулар табылды

Бірнеше өңірде қаңтар оқиғасы кезінде ұрланған қарулар тәркіленді, деп хабарлайды Orda.kz. 

Бұл туралы ІІМ мәлімдеді.

Ведомство жыл басынан бері 20 атыс және травматикалық қару тәркілеген, оның 4-уі қаңтар оқиғасы кезінде жоғалған. Сондай-ақ 6 граната және 150-ден астам оқ-дәрі заңсыз айналымнан шығарылған. 

Алматының Түрксіб ауданында қару жасырылған жер анықталып, онда 3 шолақ мылтық, 3 тапанша, 4 гранат, шамамен 50 оқ және қаңтар оқиғасы кезінде қару-жарақ дүкенінен ұрланған карабин тәркіленді.

Ал Тараз қаласында 2 шолақ мылтық және қаңтар оқиғасы кезінде ұрланған жауынгерлік арбалет табылды. 

Алматы облысында 2 қару, РГД-5 гранатасы және Калашников автоматының 20 оғы, сондай-ақ қаңтар оқиғасы кезінде ұрланған 2 Макаров тапаншасы табылды.