«Қайрат» Чемпиондар Лигасындағы келесі ойынды Астанаға өткізуі мүмкін

«Қайрат» Чемпиондар Лигасындағы «Олимпиакоспен» болатын кезекті кездесуін Астанада өткізуі мүмкін, деп хабарлайды Orda.kz. 

«Қайрат» клубының басшысы Қайрат Боранбаев елдегі келесі ойынды «Қайрат» 9-шы желтоқсанда Астана өткізуі әбден мүмкін екенін айтты. 

«UEFA бізге стадион ауыстыруға рұқсат берді. Біз оны сұрастырып көрдік. Әрине, нақты шешімді 5 қараша күні өтетін «Интерге» қарсы матчтан кейін қабылдаймыз. Ауа райына да қараймыз, әлі уақыт бар. Алайда, біз Алматыда ойнауды барынша қалап тұрмыз. Оған алаң да, ойыншылар да дайын екені анық. Бірақ ауа райы жанкүйерлерге қиындық тудыруы мүмкін», – деді Қайрат Боранбаев. 

Айта кетейік, 21 қазан күні алматылық «Қайрат» Чемпиондар лигасы аясындағы кезекті ойынын өткізді. Команда өз алаңында Кипрдің «Пафос» клубын қабылдап, матч тең есеппен аяқталды. Осылайша «Қайрат» Чемпиондар лигасында алғашқы ұпайын еншіледі.