Кәсіпкерді балтамен ұрып өлтірген шымкенттік сотталды

Шымкентте жергілікті кәсіпкерді өлтірді деген азамат 20 жылға сотталды. Ол ҚР Қылмыстық кодексінің тағы екі бабы бойынша кінәлі деп танылды.

Бұл туралы Orda.kz хабарлады.

Айыптау қорытындысына сәйкес, 2020 жылдың мамырында екі азамат арасында жер телімі үшін жанжал туды. Екеуі де қылмыскердің үйінде болған. Ол досының басына балтамен үш рет соққы жасаған.

– Ол есінен танып қалған азамат Ж-ны үйінің жанында тұрған Toyota Camry автокөлігінің салонына сүйреп апарып, көлікте жасырын тұрған 500 мың теңгені қолды еткен. Кейін, ол азамат Ж-ны сол көлікпен ауылдың шетіне апарып, өртеп жіберген, - делінген Шымкент сотының хабарламасында.

Нәтижесінде кәсіпкер қайтыс болды. Отырар порталының хабарлауынша, қылмыскер жалған құжаттар арқылы жер телімін сатпақ болған. Ол бұрындары істі болған.

Соттың мәліметінше, сотталушының кінәсі куәлардың айғақтарымен, сараптамалық қорытындылармен, заттай дәлелдемелермен және т.б. дәлелденді. Істі Шымкент қаласының қылмыстық істер жөніндегі мамандандырылған ауданаралық соты қарады. Қылмыскерге ҚР Қылмыстық кодексінің үш бабы бойынша айып тағылды.

– Прокурор Әлімбаевты 25 жылға бас бостандығынан айыруды сұрады, жәбірленуші прокурордың ұсынысымен келісті. Қорғаушы тарап Әлімбаевтың әрекетіне ең төменгі жаза тағайындауды сұрады, - делінген сотта.

Сот жазаланушыны 20 жылға бас бостандығынан айырды. Ол мерзімінің көп бөлігін (15 жыл) төтенше жағдайлар колониясында өтейтін болады.

Сонымен қатар, сотталған адамнан моральдық және материалдық (ішінара) зиян келтіргені үшін жәбірленушінің пайдасына қаржы өндірілді.

Белгілі болғандай, қайтыс болған ер адам үйленген және үш баланың әкесі болған.