Экология министрі көлігін бес минутта қыздырып үлгерген бейнежазбасын жариялады

Экология министрі көлігін бес минут қыздырған бейнежазбасын әлеуметтік желіге жариялады, деп хабарлайды Orda.kz.

21 қаңтар күні Үкіметтегі брифинг кезінде Экология және табиғи ресурстар министрі Ерлан Нысанбаев  көлік қыздыруға тіпті солтүстік аймақтардың өзінде  бес минуттың жеткілікті екенін айтқан болатын.  

Журналист министрдің бес минут туралы пікіріне, көптеген астаналықтардың келіспейтінін алға тартты.

«Бүгін мен көлігімді түнде далада қалдырамын — таңертең қарап, өз тәжірибемді өткіземін де, нәтижесін сіздерге айтамын», - деп уәде берді министр.

22 қаңтар кешке Экология министрлігі өзінің әлеуметтік желілерінде Ерлан Нысанбаевтың көлігін қыздырған кезін түсірген видеоны жариялады. Видеода министр Hyundai маркалы көліктің ішінде отыр, көлікке секундомер қосылған телефон орнатылды. Видеоның уақыты 2 минут 40 секунд болды, өйткені бейнероликтің бір бөлігі жылдамдатылған режимде түсірілген.

Ерлан Нысанбаев бейнежазбада өткен түні температураның −17°C болғанын айтады, бірақ ол қозғалтқышты 50 градусқа дейін жылыту жеткілікті деп сендіреді, осы температурада қозғалысты бастауға болады деп есептейді.

Секундомер 3:17-ті көрсеткенде министр былай дейді:

«Қозғалтқыш енді әлдеқайда жұмсақ жұмыс істеп жатыр, біз оны іске қосқанда дыбысы қаттырақ шықты, қазір ол жұмсарды». деді ол

Видеоны соңында, секундомер 5:00-ді көрсеткенде, Ерлан Нысанбаев:

«Қозғалтқыштың жұмыс істеуі дұрыс. Мен жолға шықтым. Барлығы қалыпты»,деп аяқтады министр.

Алайда, жарияланған бейнебаянға бірқатар сұрақ бар.

Біріншіден, министр көлікте отырған күйде түсірілген. Автомобильдің аспаптар панелі өшірілген, әйнектері мұздаған, бірақ соған қарамастан қозғалтқышты алдын ала жылытып қойған болуы мүмкін деген күдік туындауы мүмкін.

Екіншіден, видеода қозғалтқыштың температурасын көрсететін индикатор немесе қозғалтқыштың жеткілікті түрде қызғанын және жұмысқа дайын екендігін хабарлайтын белгілер көрсетілмеген. Сонымен қатар, тахометрдің көрсеткіштері де көрінбейді. Видеода негізгі назар секундомерге аударылған, ал аспаптар панелі көрсетілмеген.

Үшіншіден, видеода Ерлан Нысанбаев тек артқа жүріп, кейін шегінді,  бірақ ол жолда қалай жүріп жатқанын көрсетпейді.