Израиль қорғаныс министрі: Жаңа басшы «ескі саясатты» қолдаса — көзін жоямыз

Израильдің қорғаныс министрі Израэль Кац Иран жаңадан тағайындаған кез келген басшы «ескі саясатты» қолдаса оның да көзін жоятынын мәлімдеді, деп хабарлайды Orda.kz. 

Министр бұл туралы X әлеуметтік желідегі парақшасында жазды. 

Қорғаныс министрі жаңа басшының аты мен жасырынған орны маңызды емес екенін баса айтты. Сонымен қатар, Израэль Кац Израиль соғыс әрекетін бар күшімен жалғастыратынын, АҚШ-пен бірге иран халқына ескі саясатты құлатуға және ауыстыруға жағдай жасайтынын мәлімдеді.

Айта кетейік, бүгін, 4 наурызда БАҚ-та марқұм Әли Хаменеидің екінші ұлы билік басына келгені туралы ақпарат тарады. Иранның сарапшылар кеңесі Моджтаба Хаменеиді Ислам Республикасының келесі жоғарғы көшбасшысы етіп сайлаған. 

Оқи отырыңыз:

• Жұманғарин: Азық-түлік бағасы көтерілгенін ҚҚС-қа жаба бермейік
• Шығын — 40 млн теңге: Павлодар облысында мал ұрлығымен айналысқан 9 адам ұсталды