Илон Масктың әуе кемесі ұшырылғаннан кейін бірнеше минуттан соң жарылып кетті

SpaceX Starship әуе ұшағы ұшырылғаннан кейін бірнеше минуттан соң жарылып кетті. Бұл әуе кемесінің биылғы жылы екінші сәтсіз сынағы, деп хабарлайды Orda.kz. 

SpaceX-тің Starship ғарыш кемесі ұшырылғаннан кейін жердегі басқару қызметімен байланысын үзді. Бірнеше минуттан соң ол құлай жөнелді. Салдарынан федералды авиация басқармасы Флоридадағы бірнеше әуежайларда әуе қозғалысын тоқтатуға мәжбүр болды.

Илон Масктың тағы бір әуе кемесі екі ай бұрын апатқа ұшыраған. Ұзындығы 403 фут (123 метр) зымыран Бока Чикадағы SpaceX қондырғысынан жергілікті уақыт бойынша 18:30 шамасында ұшырылды.

Ұшудың бірінші кезеңі сәтті болғанымен, кейін әуе кемесінде олқылықтар туындады.

SpaceX Starship екі сатыдан тұрады. Бұл массасы мен өлшемі бойынша ең үлкен және тарихтағы ең қуатты зымыран тасығыш. Ол жүктерді және адамдарды жерге жақын орбиталарға, сондай-ақ Ай мен Марсқа планетааралық мекендерге жеткізуге арналған.

Кеме сынақтарындағы сәтсіздіктер Масктың адамдарды Марсқа жеткізу бағдарламасын сәтті орындауына күмән тудырады.