«Хуторлық Хасанның ісі»: Соттың болатын күні мен орны белгіленді

«Хуторлықтар» атты ұйымдасқан қылмыстық топтың жетекшісі деп танылған Хасан Қасымбаевтың ісі Талғар аудандық сотында қаралатын болды, деп хабарлайды Orda.kz. 

Соттың хабарлауынша, алғашқы тыңдау 20 тамызға жоспарланған. Іс бойынша судья болып Айнагүл Түкүбаева тағайындалды.

Хасан Қасымбаев 2024 жылдың 2 қарашасында ұстау изоляторына қамалды. Ол ММА жауынгері Арман Әлімовті ұрлап, денсаулығына қасақана ауыр зиян келтіргені үшін ұсталған. Қасымбаевтан бөлек Нұрмұхамет Сұлтанбеков, Мадияр Қалымжанов, Данияр Асқаров, Сайлау Ақтанов есімді азаматтардың да бұл қылмысқа қатысы бары анықталды.

Айта кетейік, 2021 жылы өзін ұрлап, ұрып-соғуды Хасан Қасымбаев ұйымдастырғанын мәлімдеген ММА спортшысы Арман Әлімов марқұм Шерзат Болаттың  әкесімен мектеп кезінен бері дос болған.