Хуситтерге қарсы әскери операция: Йеменде қазақстандықтар жоқ

Соғыс жүріп жатқан Йеменде қазақстандықтар жоқ.

Бұл туралы Сыртқы істер министрлігі хабарлады.

«Йемендегі консулдық тіркеуде бірде-бір қазақстандық жоқ, сондықтан біздің азаматтардың құрбандары туралы да деректер жоқ» деді Қазақстан сыртқы істер министрлігінің ресми өкілі Айбек Смадияров брифингте.

Еске салайық, АҚШ пен Ұлыбританияның Йемендегі әскери операциясы хуситтердің Қызыл теңіздегі әрекеттеріне жауап ретінде Австралия, Канада, Нидерланды және Бахрейннің қолдауымен басталды. Онда Газада арнайы операция басталғаннан кейін Израильмен және оның одақтастарымен қандай да бір түрде байланысы бар кемелерге шабуылдар жасалды.

Пентагонның әрекетіне жауап ретінде Йемен қарулы күштері «жер-жер» санатындағы зымырандарды жаппай ұшыруға кірісті, деп хабарлайды араб ақпарат құралдары.

Осы уақытқа дейін Йемен провинцияларын атқылау тоқтатылды, бірақ АҚШ президенті оны еш ойланбастан жалғастыруға дайын екенін білдірді.