Германияда Астана сотының бұрынғы судьясы жоғалып кетті

Майндағы Франкфурттің жергілікті полициясы бір апта бұрын жоғалып кеткен Астананың Сарыарқа ауданының бұрынғы судьясы Айгүл Сайлыбаеваны іздестіріп жатыр.

Бұл туралы брифингте сыртқы істер министрлігінің ресми өкілі Айбек Смадияров мәлім етті.

Смадияров Сайлыбаеваның ұзақ уақыт бойы Қазақстаннан тыс жерде тұрып жатқанын айтты. Ол жоғалып кеткеннен кейін оның туыстары Майндағы Франкфурт қаласындағы Қазақстан бас консулдығына хабарласты.

«Бас консулдық бұл мәселені ерекше бақылауға алды. Біздің дипломаттар дереу жергілікті полицияға хабарласты, олар іздеу жұмыстарын бастап кетті. Консул Сайлыбаеваның тұрғылықты мекен-жайына барып, оның туыстарымен кездесіп, жағдайды полициямен талқылады, олар бұл іске ерекше назар аударуға уәде берді. Сондай-ақ Берлиндегі Бас консулдық пен Елшілік аталған мәселені бақылауда ұстау үшін Германияның Сыртқы істер министрлігіне тиісті үндеу жолдады»,- деді Смадияров.

Ол сондай-ақ дипломаттар жоғалған әйелдің туыстары Германияға баруға виза алуды тездету үшін жұмыс істеп жатқанын айтты. Консул отбасымен байланыста.

Журналист Гүлмира Әбіқайдың айтуынша, Сайлыбаеваның телефоны сөндірулі. Күйеуі оның қайда екенін білмейтінін айтты.