Футболдан Қазақстан құрамасы Люксембургке есе жіберді

Люксембургке қарсы матчта Қазақстан құрамасы 2:1 есебімен жеңілді, деп хабарлайды Orda.kz порталы.

Ойын «Стад де Люксембург» стадионында өтті. Ойынның 2 минутында Қайрат академиясының түлегі Әділет Садыбеков есеп ашты. Бұл оның ұлттық құрама сапындағы алғашқы голы. 24 минутта Люксембург құрамасынан Жерсон Родригес есепті теңестірсе, 45 минутта тағы қарсылас команданың ойыншысы Данел Синани ойынның соңғы голын соқты.

Еске салайық, Магомед Адиевтің шәкірттері алдыңғы ойында Грекиядан 5:0 есебімен жеңіліп, Еуро-2024-ке жолдама ала алмай қалған еді. Келесі матч Ұлттар лигасының іріктеу кезеңінде Норвегияға қарсы болмақ.