Францияда Лувр музейін тонады деген күдікпен екі адам ұсталды

Париждегі Луврды тонауға қатысы бар деген күдікпен екі француз азаматы ұсталды, деп хабарлайды Orda.kz.

Le Parisien басылымының мәліметінше, 2025 жылғы 25 қазан күні кешке музейді тонауға күдіктелген екі адам ұсталып, қамауға алынған.

Басылымның хабарлауынша, ұсталғандар Сена-Сен-Дени департаментінен шыққан, жастары шамамен отыздарда.

Олар төрт қылмыскерден құралған топтың мүшесі болуы мүмкін деген күдікке ілінген. Тергеу мәліметінше, бұл топ Францияның ең әйгілі мұражайларының біріне автокөтергіші бар жүк көлігін пайдаланып кірген.

Луврдағы «ғасыр тонауы» 18 қазанда болған: ол кезде баға жетпес француз корольдерінің асыл тастары ұрланған еді.

Парижде қылмыскерлер жеті минут ішінде  88 миллион еуроға жуық бағалы заттарды тонап, Лувр қазынасын үптеп кеткеннен кейін мұражай басшылығы қалған бағалы заттарды жер астына жасырды.