Ескі ренішін есіне алып өліп қала жаздады

Жұмыс орнында екі ер адам арасындағы мас күйде болған жанжал бірінің пышақ жарақатымен, екіншісінің 11 жылға бас бостандығынан айырылуымен аяқталды.

Бұл туралы Диапазон хабарлады.

Оқиға Арынов көшесіндегі кәсіпорын цехында болған. Екі жұмысшы екі бөтелке арақ ішкен, артынан олардың бірі ескі ренішін есіне алып, ішімдік ішкен серігін шашынан ұстап, мойнына екі рет пышақ сұққан. Жаралы адам үстелге құлап, өліп қалғандай кейіп танытқан. Ішімдік ішкен серігі оның соққысынан өлді деп ойлап, қылмыс орнынан кетіп қалған. Жаралы азамат аман қалып, 112-ге хабарласып, мойнындағы жараны қолымен жауып, көмек күткен.

Нәтижесінде, 41 жастағы жұмысшы адам өлтіруге оқталған деген айыппен сот залында тұтқындалды. Сотталушы өлтіру мақсаты болмағандығын, жәбірленушіге пышақпен тигізетін соққы жасау себебі тек қорқыту мақсатында екендігін айтты. Қылмыс орнынан қашпай, темекі сатып алу үшін дүкенге кетіп, қайтып келгенінде полиция қызметкерлері оқиға орнында болғанын түсіндірді. Ол айыпты онша ауыр емес айыпқа өзгертуді сұрады.

Жәбірленуші айыпталушыны кешіріп, ешқандай талап қоймады.

Сот айыпталушының шынымен де кісі өлтіруге оқталғанын анықтап, 11 жылға бас бостандығынан айыру жазасын қатаң режимдегі колонияда өтеуге үкім етті. Сонымен қатар, сотталушы бұрын қасақана кісі өлтіргені үшін жазасын өтеп келген.