«Ертіс Орманы» жемқорлықты қалай жеңеді?

Экология және табиғи ресурстар министрлігінде «Ертіс Орманы» мемлекеттік орман табиғи резерватының лауазымды тұлғаларына қатысты іс бойынша талқылау болып ұсыныстар қарастырылды. 

Бұл туралы ҚР сыбайлас жемқорлыққа қарсы іс-қимыл агенттігі хабарлады.

Отырысқа сыбайлас жемқорлыққа қарсы іс-қимыл агенттігі төрағасының орынбасары Дархан Құрақбаев қатысты. Табиғи резерватта сыбайлас жемқорлық құқық бұзушылықтар жасауға ықпал еткен себептер мен жағдайларды жоюға бағытталған ұсыныстарды айтты.

Министрлікке сыбайлас жемқорлық тәуекелдерін жою бойынша, оның ішінде орман қорын түгендеу және қорғау процестерін цифрландыруды енгізу жолымен кешенді шаралар қабылдау ұсынылды. Кінәлілер қамауда, сотқа дейінгі тергеу аяқталды. 

Айта кетейік, резерваттың бас директоры басшылық еткен ұйымдасқан қылмыстық топ ұсталды. Олар  технологиялық және отын ағашының түрін заңсыз сату арқылы аса ірі мөлшерде орман ағашын жымқырды деп күдіктелген. Салдарынан мемлекетке 150 млн теңгеден астам сомада залал келтірілді.