Еліміздің Білім министрлігіне қатысты тағы 10 іс cотқа жіберілді

ҚР Ғылым және жоғары білім министрлігіне қарсы тағы 10 іс қозғалды, деп хабарлайды Orda.kz  порталы ҚазТАГ-қа сілтеме жасап.

«Төтенше жағдайға тап болған өңірлерге бөлінген квотаға байланысты түлектердің көпшілігі басым мамандықтар бойынша лайықты грантын ала алмады, сондықтан кеше және бүгін ғылым министрлігіне қарсы 10 жаңа талап-арыз сотқа берілді», - дейді адвокат Халида Әжіғұлова. 

Заңгер өзіне заң көмегіне жүгінген талапкерлердің барлығы дерлік оқу жылының басталуына бірнеше күн қалғанда министрлік бөлуді ұйғарған қосымша білім гранттарын алғаны туралы қуанышымен бөлісті.

«Ғылым министрлігі мемлекеттік білім гранттарын бөлу кезінде «төтенше жағдайға тап болған аймақтарға» квотаны қолданудағы қателігін әлі де мойындамайды. Ғылым министрлігінің әрекетін неге қате деп санаймыз? Өйткені білім гранттарын бөлудің кез келген квотасын тек парламент қабылдап, президент қол қоюы тиіс заң талаптары негізінде ғана бекітіледі», - дейді заңгер.

Оның айтуынша, министрлік мемлекеттік білім гранттарын бөлу кезінде «төтенше жағдайдағы аймақтарға» квота қолданған нормативтік құқықтық актіні нақты көрсетпеген.

Естеріңізге сала кетейік, министрлік су тасқыны кезінде зардап шеккендерге квота бойынша грант бөлу туралы шешім қабылдаған болатын. Бұл ретте жоғары балл жинаған балалар төмен балл жинағандармен салыстырмалы түрде грантқа ие бола алмады. Мұндай әділетсіздікке наразы болғандар саны артып, ренжіп, арыздануда.

Алматылық талапкер Медина Майсар Ғылым және жоғары білім министрлігін сотқа берді. Ол бұған дейін президентке ашық үндеу жасап, ғылым және жоғары білім министрі Саясат Нұрбекті қызметінен босатуды сұраған болатын.