Елімізде мемлекеттік қызметтердің 90% астамы электронды форматта

Бұл туралы Президент Қасым-Жомарт Тоқаев «Digital Almaty 2021» форумына қатысушыларға арнаған бейнеүндеуінде айтты, деп хабарлайды ORDA.

Бүгінде адам өміріндегі ақпараттық технологиялардың маңызы күн санап үстемдікке ие болуда. Карантин уақытында 6,5 миллионға жуық қазақстандық цифрлық жүйелердің арқасында мемлекеттік көмек алған.

Қазақстанда жасанды интеллекттің ұлттық кластері құрылуда. Мәліметтерді тиімді игеру үшін Ақпарат өңдеу орталықтары құрылып жатыр. Алдағы бес жылда бұл салаға 500 миллиард теңге тарту бөлінбекші. Сонымен қатар, осы жылы салық саласында блокчейн жүйесі енгізілмек. Бастаманы Еуразиялық экономикалық одақ елдерінің үкімет жетекшілері де талқылады.

«Әрбір форум қарсаңында біз ақпараттық технологиялар жобаларын ұсынамыз. Бүгін 6 жоба таныстырылды. Олар білім саласында, денсаулық сақтау саласында және мобильдік үкімет платформасында. Біз өткен жылда осы салалар қалай дамыды, қандай жаңалықтар болды? Соның бәрін ұсындық. Тағы да 13 панельдік сессия өткізіледі. Олар осы жаңа мен айтып кеткен тақырыптарды кеңірек аша түседі», - дейді ҚР цифрлық даму, инновациялар және аэроғарыш өнеркәсібі бірінші вице-министрі  Әнуар Ахметжанов.

Сонымен қатар форум аясында Беларусь премьері Роман Головченко Еуразиялық экономикалық одаққа мүше елдерге «Ақылды қала» біріккен жобасын құруды ұсынды.