Елена Рыбакина WTA 1000 турнирін жеңіспен бастады

Қазақстандық теннисші Елена Рыбакина Индиан-Уеллсте өтіп жатқан WTA 1000 турнирінің алғашқы ойынын жеңіспен бастады, деп хабарлайды Orda.kz.

Әлемдік рейтингте үшінші орында тұрған спортшы дәл осындай себу нөмірін алып, автоматты түрде екінші айналымға шықты. Бұл кезеңде оның қарсыласы әлемнің 43-ракеткасы америкалық Хейли Баптист болды. Матч максималды үш сетке созылды, оның біріншісі тай-брейкте аяқталды. Қорытынды есеп - 7:6 (7:5), 2:6, 6:2 Рыбакинаның пайдасына шешілді.

Теннисшілер кортта 2 сағат 16 минут ойнады, осы уақыт аралығында Австралия ашық чемпионатының қазіргі чемпионы алты эйс жасап, бес қос қателік жіберіп, екі брейк-пойнтты да пайдаланды. Үшінші айналымда Рыбакина 28-орында тұрған украиналық Марта Костюк пен іріктеу арқылы негізгі кестеге өткен америкалық Тейлор Таунсенд арасындағы кездесудің жеңімпазымен кездеседі.

Оқи отырыңыздар:

• Қазақстандық файтер UFC-де алғашқы жеңісіне қол жеткізді
• Тоқаев қазақстандық әйелдерді мерекесімен құттықтады
• 8 наурыз мерекесінің шығу тарихы