EGov порталы жұмыс істемей қалды

1 сәуірден бастап бірінші сыныпқа құжаттар қабылдау басталды. Алайда өтінімдер онлайн берілген кезде электрондық үкімет порталы жүктемені көтере алмай, жұмыс істемей қалды, деп хабарлайды Orda.kz.

Ата-аналар egov.kz порталында  жиі ақау болатынын айтады. Цифрлық даму вице-министрі Ростислав Коняшкин бұл мәселені жүйеге түсетін жоғары жүктеме әсерінен болды деп түсіндірді:

«Қысқа мерзімді ақаулар қолданушылар санының көп болуына байланысты. Сағат 15:00-ге қарай қызмет қайта жұмыс істей бастайды», – деп сендірді ол.

Алайда 15:00-ден кейін сервис қайта іске қосылмады. Ата-аналарға әзірге тек күтуге тура келеді.

Ата-аналар баланы мектепке қабылдау үшін өтінімді онлайн — egov.kz порталы арқылы, сондай-ақ офлайн — оқу орнында тапсыра алады.

Өтінімдер 2025 жылдың 31 тамызына дейін қабылданады.

Баланы бірінші сыныпқа қабылдау үшін келесі құжаттар қажет:

• ата-аналардан немесе заңды өкілдерден өтініш;
• денсаулық жағдайы туралы анықтама (форма №065-у) және баланың денсаулық паспорты (№052-2/у);
• екі 3×4 см көлеміндегі фотосурет.

Білім және ғылым министрлігінің баспасөз қызметі бірінші сыныпқа алты жастан бастап балалар қабылданатынын еске салады. Шетелдік азаматтар қосымша тұрақты тұруға және тұрып жатқан жерінде тіркеуде тұрғанын растайтын құжат ұсынулары қажет.

Вице-министр Коняшкин eGov жүйесі 2013 жылғы технологияларға негізделгенін және оның мүмкіндіктері шегіне жеткенін атап өтті. Сонымен қатар, ол осы жылы жаңартылған eGov 3.0 нұсқасы іске қосылатынын хабарлады.

Талдықорғандағы Абай атындағы мектептің әжетханасында жоғары сынып оқушылары өздерінен кіші жастағы баланы видеоға түсіріп, әлеуметтік желіге  таратты.