ЕАДБ: Қазақстан экономикасы дағдарысқа дейінгі деңгейге 2021 жылдың төртінші тоқсанында шығады

Еуразиялық Даму Банкі ЕАЭО елдерінің біріктірілген ЖІӨ-нің 2020 жылы 3% - ға қысқарғаннан кейін 2021 жылы 3,3% - ға артуын болжайды.

Қазақстан мен Ресей экономикалары ағымдағы жылдың қорытындылары бойынша тиісінше 4%-ға және 3,3% – ға өседі және 2021-жылдың соңында (IV-тоқсан) - 2022 жылдың басында дағдарысқа дейінгі деңгейлерге шығады. Армения мен Қырғызстанда экономикалық белсенділікті қалпына келтіру көп уақытты алады және ол 2022 жылы аяқталады. Беларуссиядағы экономикалық белсенділік 2021-2022 жылдары дағдарысқа дейінгі деңгейден төмен деңгейде қалады.

ЕАДБ бағалауы бойынша Қазақстанның ЖІӨ өсімі 2022 және 2023 жылдары 4,5% және 5,1% - ға дейін жеделдейді.

— Жыл ішіндегі динамикада ең үлкен өсім 2021 жылдың II тоқсанына келеді. Бұл, ең алдымен, өткен жылдың ұқсас кезеңінің төмен базасына байланысты болады. Санитарлық талаптардың әлсіреуі қызмет көрсету саласында, бірінші кезекте көтерме және бөлшек сауда, мейрамхана бизнесі және мәдени-ойын-сауық орталықтарының қызметінде өсу серпінін қалпына келтіруге жағдай жасайды.

Трансшекаралық қозғалысқа шектеулерді алып тастау, біздің бағалауымыз бойынша, біркелкі болмайды, бұл көлік-логистика саласындағы және халықаралық туризм саласындағы белсенділікті қалпына келтіру процесін кешіктіреді, – делінген ЕАДБ баяндамасында.

Қазақстанда 2021 жылдың қорытындысы бойынша тұтыну бағалары индексінің өсу қарқыны 6,3% деңгейінде болжануда.

— ҚР Ұлттық Банкінің мәлімдемелері мен ҚР ҰЭМ орта мерзімді болжамдарына сүйене отырып, біз инфляция бойынша нысаналы бағдар 2021-2022 жылдарға арналған 4-6% дәліз түрінде белгіленуі мүмкін деп болжаймыз. Келесі екі жылда дәліз 4-5% – ға дейін тарылады, - делінген баяндамада.

Доллар бағамы бойынша болжам. Ұлттық валютаның долларға шаққандағы орташа бағамы 2021 жылдың қорытындысы бойынша 421,6 теңге деңгейінде болжануда. Теңгенің долларға қатысты орташа есеппен 2022-2023 жылдары 1% - ға әлсіреуі күтілуде (2022 жылы – 424,8 теңге, 2023 жылы-430 теңге).

Базалық мөлшерлеме бойынша болжам. Қазақстанда банкаралық нарық мөлшерлемесінің орташа деңгейі 8,4% деңгейінде болжанады (Арменияда – 6,2%, Беларусьте – 8,3%, Қырғызстанда – 4%, Ресейде – 4,6%).

— Базалық мөлшерлеменің ағымдағы деңгейі елдегі іскерлік белсенділікке елеулі қысым көрсетпей инфляцияны баяулатуға мүмкіндік береді деп ойлаймыз. Инфляциялық күтулердің тұрақтануына қарай 2021 жылдың IV тоқсанында мөлшерлеменің 0,25 пайыздық тармаққа төмендеуі мүмкін, - деп атап өтті ЕАДБ.